Goomaralmongol

One Mother's word's from her heart to the world. From one culture established in time to one that is a mixture of all the worlds with no clear culture of its own.

Дүр исгэгч

Аяа энэ хорвоод дүр исгэгч
Амиа аргалах нь олдож
Өөр шигээ хүнийг санаж
Өчнөөн хардах сэтгэл нь
Харанхуйлан бүрхэн зовоох нь
Харамсалтай яа гашуунтай яа
Хажуудаа байгаа нэгнээ
Хардан шивэр авир ярих нь
Ханатлаа цадсан хоол нь юм болов уу
Хайран сайхан цаг мөч минь
Хорвоод хийсэн үйлдэлээр тань
Бурхан биднийг танина
Бурлаа гээд бурхан өрөмдөхгүй ээ
Бусдыг буруутгадаг хар зан халтай яа
Буянаарай ариун цагаан явахсан.

С. Үзмээ
3.8.2017

Сурталчилгаа
Сэтгэгдэл бичих »

Дүү минь бидэндээ үгүйлэгдээд байх юм

Дүү минь бидэндээ үгүүлэгдээд байх юм

40632808_2150069748578420_6288057796105601024_n

Зулай дээрх ах чинь дүүгээ саналаа гэх юм
Зулзган дүү чинь ахдаа үүрүүлснээ дурсах юм
Эгчдээ инээд алдаад ярьж байсан чинь саяхан
Эгнээд хамтдаа алхаад явж байсан чинь саяхан
Ах нь дүүгийнхээ захисанаар
Аавынхаа ойд үг хэлж гүйцэтгэсэн
Амраг хань чинь аавын ойд зориулсан
Агуу сэтгэлийг чинь биелүүлсэн
Буурал ахмадууд аавыг минь хүндэтгэн ёслосон
Буянт номын баяр бүтэмжтэй сайхан болсоон
Дүү минь бидэндээ үгүйлэгдээд байх юм
Дэндүү эрт одсон болохоор бодогдоод байх юм
Мөнх тэнгэрийн орондоо
Миний дүү үүрд амгалан нойрсдоо
Эргээд бидэндээ эрхлээд хүрээд ирээрэй
Энэ хорвоод ахиад хүн болж төрөөрөй.

С.Үзмээ 01.11.2018

Сэтгэгдэл бичих »

Дүүгийнхээ гэгээн дурсгалд

s-z-d

Содномын Зоригт
(1969-1918)

Дүүгийнхээ гэгээн дурсгалд

Миний дүү дэндүү залуугаарай
Мөнх тэнгэрийн оронд заларлаа
Хүнд гэмгүйхэн мөрөөрөө л
Хүн болгонд тус хүргэчихээд л
Өөрөө хүнээс тусын хариу нэхэхгүй
Өрөвдүүлж амьрдах хүсэлгүй
Үр хүүхдээ өсгөн хүний зэрэгт хүргэн
Үүргээ эцэг хүний ёсоор гүйцэтгэсэн
Гарын дүйтэй ур чадвартай
Гартаа нэг бариж авбал засаж дуусгадаг
Санасандаа нэг хүрч, амардаг
Сайхан чанар, сэтгэлтэй
Хэрхэн юмыг өлгөн авч тоодоггүй
Хүн чанар нь түвшин хүн байсан юм.
Аавтай минь ганцхан адилхан дүү минь
Аавынхаа кинод мөнхрөн үлдлээ, бидэндээ
Газар дээрх гай гэгчээр
Ганц дүүгий минь дэндүү эрт
Зуурын хүчээр аваад явчихлаа
Замбуу тивийн жам биш
Замын буруу зохицуулалт
Засгийн буруу бодлого
Замын тэмдэг нь байсан бол
Замхаран одохгүй байлаа миний дүү.

С.Үзмээ 09.26.2018

 

1 Сэтгэгдэл »

Морин хуур минь уу зэ

 

Морин хуур минь уу зэ

 

 

Монгол түмнийг минь бадраасан
Морин товоргоог эгшиглэсэн
Мяндас утсанд дээр довтолсон
Монгол хуурчийн хуруу  минь уу зэ

Ая тухыг минь баясгасан
Аялгуут морин хуураа
Ард олны хийморь сэргээсэн
Ай морин хуураа

Дэлхийд товоргосон монгол морьдын туурай
Дэвжээнд сорьсон монгол бөхийн уухай
Дээдэс ивээсэн монгол ухаан
Дэргэд минь буй монгол ахуй

Ая тухыг минь баясгасан
Аялгуут морин хуураа
Ард олны хийморь сэргээсэн
Ай морин хуураа

Дэлхийн сор аялгууг
Хоёр  чавхадасаар  илэрхийлсэн
Дээдсийн омогшилыг оргилуулсан
Хосгүй  шидэт морин хуур минь уу зэ

Ая тухыг минь баясгасан
Аялгуут морин хуураа
Ард олны хийморь сэргээсэн
Ай морин хуураа

 

 

 

С. Үзмээ  6.29.2018

Сэтгэгдэл бичих »

Эх үрсийн баярын мэнд ээ! Ижий минь

IMG_6682 (2)

Эрхлэн тоглодог насандаа

Эхийгээ би Ээж гэж дуудаг байлаа

Эргээд би өөрөө Эх хүн болсон

Эрхэмлэн хүндэлж Ижий  минь гэдэг

 

Ижийгээ би дурсан санан

Ижийгээрэй би бахархах дуртай

Эрхэмлэн мэхийн ёслоё таньдаа

Эх үрсийн баярын мэнд ээ! Ижий минь

 

С. Үзмээ 06.01.2018

Сэтгэгдэл бичих »

Сургуулийн шинэ жил

Сургуулийн шинэ жил

Есөн сарын нэгэнд цүнхтэй номоо үүрээд
Аавдаа, ээждээ, ахдаа, эгчдээ хөтлүүлээд
Алагхан цэцгийн баглаа бариад
Ерөөл дэвшүүлэн үнсүүлээд сургуулдаа очдогсон

Ангийн хаалгаар дугаарлан жагсан ороод
Ар араасаа дагсан ширээнд цуван суугаад
Цагаан толгойн номоо цүнхнээсээ гаргаад
Цааш нааш эргэлдэн бие биенээ харан сууна

Багшийн хэлэхийг томоотой суун сонсоод
Балчирхан гараараа үзгээ барин бичээд
Балмагдсан огшсон дуугаар багшаа даган
Бага том үсгийг давтан ээлжлэн хэлдэгсэн

Томоохон цагаан цэцгэн туузаар гэзэгтээ зүүсэн
Цагаан хормогчоор даашинжаа гоёсон охидууд
Томоотойн аргагүй сурагчийн ширээнд
Цавчилсан нүдээ эргэлдүүлэн хичээн сууна

Янзтай засан халмигтай
Цагаан цамцаар гоёсон хүрэмтэй хөвгүүд
Янз бүрээр л тэвчин сурагчийн ширээнд суух нь
Цагын зүүний аясыг ажин түргэвчлэн сууна

Хэд хоногийн дараа дасан нөхөрлөж
Хэнтэй ч хамаагүй тоглон дүрсгүйтэж
Хичээлдээ шамтан суралцан
Хичээнгүйдаалгавраа хийх нь хийнэ.

Болчимгүй зан минь бодлоггүйхэн хөдөлж
Багшийн нүдэнд өртөж, бангадуулан
Аав ээжийн чихнээс хонх дүүжлүүлэх нь энүүхэнд
Аргагүй л хүүхэд нас минь байлаа

С. Үзмээ 09.01.2017

Сэтгэгдэл бичих »

Ижийдээ талархая.

Ижийдээ талархая.

Уяхан замбуулангийн хорвоод
Уран Ижий минь намайгаа хүн болгосон
Урамтай үгээр тэтгэн өсгөж
Ухаант үр болоорой гэж ерөөдөгсөн

Өчнөөн давууг торгыг
Хичнээн ч хэмээгээр нь эсгэн
Өсөх балчираас ахмад хүртэл
Хүсэн загвараар нь урлан хувцалсан

Миний Ижий уран хүн
Монгол түмний нэг Алдарт Эх
Мянга мянган хүнийг гоёсон
Марташгүй буянт цайлган Ижий

Үгүүлэн дуулая үр тань танийгаа
Үр ачдаа дурсан талархая
Үргэлж бидний сэтгэлд
Үүрдийн мөнх хоногшсоор дурсана

Хийсэн бүтээлээ өвлүүлсэн охин нь
Хан шиг түшигтэй хань үртэйгээ
Сайхан амьдарна, Ижий минь
Саруул Ижий таньдаа дахин дахин талархая.

8.24.2017

Сэтгэгдэл бичих »

Арал дээрх адуу.

Хойд Каролина мужийн арал дээр 500 – гаад жилийн тэртээ 1520 -иод онуудын үеэр Испани орноос Lucas Vasques de Ayllon  гурван хөлөг онгоц дүүрэн сүмийн загалмайтан, боолууд, эрэгтэй эмэгтэйчүүд болон морьдуудыг Хойд Америк руу илгээжээ.

13406761_1077078578997670_2764858253985628472_nУсан онгоц далайн шуурганд автагдан живсэн байна. Морьдууд далайд сэлсээр энэхүү аралд ирж нутагсан юм байна. Испани мустанг адуу жижигхэн биетэй яг л монгол адууг санагдуулна. Энэхүү нарийхан элсэн цөл арал нь Өмнөд Каролинаагаас эхлээд Вержина муж хүртэл үргэжиллэдэг. Испани мустанг адуу нь нарийхан арал дээр далайн өвс, бут, далайн ус ууж зохицон амьдарсан нь үнэхээр гайхалтай. Бас халуун айгум зун, жихүүн өвөл, жил бүрийн далайн хүчтэй шуурга эргүүлэгт аль хэдий нь тасчээ.

13343142_1077078605664334_7752125885212426023_n Адуунуудыг харж хамгаалан, бас унагыг нь хүнд өргүүлдөг байна. Адууг хамгаалдаг сайн дурын ажилтан нь бүх Америк даяар хүмүүс өргөж авдаг гэнэ. Тэд яг л жирийн тэжээвэр морь шиг хүнд дасахдаа амархан бөгөөд их соргог гэж байв.

13329221_982820895166360_1768532158_n(1)[3]

Испани мустанг адуу нь одоогоор энэ зэрлэг удам нь Испани орондоо бараг үгүй болж байгаа бөгөөд зөвхөн энэ арал дээрх нь 2015 оны тооллогоор 81 хүрч цөөрч байгаа нь харамсалтай. Далайгаар бүслэгдсэн арал 2-3 давхар том том хувийн байшингууд зай завсаргүй баригдан, өчнөөн автомашин, жуулчид, зорчигчид болон хувийн эзэмшлийхэн нь тэдний газардсан газрыг булаан эзэлж байгаад олон төдий хүн харамсан ярьж буй. Испани мустанг миний бие үзснээр Монгол хүн адуу харж хийморио сэргээдэг гэгчээр сэтгэл өөрийн ирэхгүй догдлон бас тэдний нүдийг харц нь нэг л гунигтаяа. Олон мянган хүнтэй далайн эрэгээ хуваалцан хээрийн бэлчээр нь хорогдож буй үнэхээр сэтгэл зурна.

С.Үзмээ.

Сэтгэгдэл бичих »

Сүрчиг

what-to-do-when-a-perfume-you-love-doesnt-love-you

Анхилуун сайхан үнэртэй
Амрагын болзооны сор
Хослох хоёрын тансаг учраа
Хайр татам анхилуун үнэртэн
Төгс хэрэгцээний билэг
Төвөггүй учруулах хосуудын наадаа

 

Чамин үнэртэй сүрчиг
Чамайг өнгөрөх салхины сэвшээгээр
Үлэмжийн соргог мэдрэмжийг
Үнэхээр өгч дагуулах нь
Бодлын болзоонд урин дэгэлзэх
Болчимгүй залуучуудын нэгэн гангараа

Chanel_Chance

Содон үнэртэй сүрчиг
Сэтгэлийн очыг ялдамхан бадрааж
Хүслийн жигүүрийг чиглүүлэн
Хонгорхон агшинд хоногшин
Хорвоогийн нандин цэнгүүнд
Хосгүй умбах хүүхнүүдийн нэгэн эрдэнэ

С. Үзмээ 02.18.2016

Сэтгэгдэл бичих »

Найз

Ямар хүнийг найз гэх вэ?
Ямарваа нэгэн асуултад
Үнэ цэнээ алдаагүй
Үнэнч шудрага хариулт
Үргэлж өгөөжөө өгдөг нь
Үүрдийн сургаальтай үлддэг

Хүн болгон нөхөр биш
Хүлэг болгон жороо биш
Ардын сургаальд айлдсан нь
Аман зохиолд тэмдэглээстэй бий

Олны дунд олигтой явахад
Урам хайрлан дэмжин бахархдаг
Олны бай болон хавчигдаж явахад
Урдаас минь баттай хамгаалж чаддаг
Хол ч бай, ойр ч бай
Хорвоогийн хатуу зөөлнийг
Хаанаас ч хамаагүй зүрхэндээ тээж
Хайрлан, сайн мууг минь хуваалцдаг
Сэтгэлийн чадвартай эрхэм хүнийг
Сайн дотны найз гэж хүлээн зөвшөөрнөө.

Борооны үүл хурж, арилдаг шиг
Болзооны түр нөхөд байдаг л юм
Цаг хугацааны аясаар танигдаад
Цаашаа гээд явдаг л юм
Цаанаа нэг хэрэг болохоор
Цадаг үгүй сайхан нөхөр гээд
Хаяагаа манаад хүрээд ирдэг л юм
Хамаагүй ээ, хаана ч байсан
Хүн хүнээ гээд буцаад үгүйлээд ирэхэд чинь
Тосоод л авдаг тогтсон араншинтай
Тоосон дунд бас амьдарч буй хүн л юмсанж.

Буян заяандаа бузар үйлдэхгүй амьдрах минь
Буурал өвгөдөөсөө өвлөсөн дээд тэнгэртэй бид.

С.Үзмээ 01.18.2016

Сэтгэгдэл бичих »